Okulabula kuno kukoledwa bannaddiini eKigungu kulwokutano wakati mukujaguza nga bwejiweze emyaka 144 bukya baminsani Fr. Simon Lourdel Mapeera ne Bro. Delmas Amans baleeta eddiini mu Uganda.
Omulabirizi w’essaza ekkulu erya Kampala Rev. Charles Kasibante akuutidde abavubuka okukola baleme kukemebwa mubikolwa ebyobufumbo bw’ebikukujju olwa sente.
Abasabye okubeera abavumu obutawaayo bulamu bwabwe mubikolwa ebyo wabula babeere basaale mukubirwanyisa nti kubanga tebiri kumusingi gwa ekereziya.
Omubaka wa Paapa eyawummula Ssaabasumba Augustine Kasujja nga ono yeyabadde omutambizi omukulu, yakubirizza bannaUganda bonna okulabira kubisoomoza abaminsani bano byebaayitamu nga baleeta eddiini omuli okutambula engendo empaavu, ensolo enkambwe, endwadde awamu n’ebirala wabula nebalemera kumulamwa gwebaaliko ogwokubunyisa enjiri n’ebasobola okugoba kumwalo eKigungu mu Ntebe.
Sentebbe wa disitulikiti ya Wakiso Matia Lwanga Bwanika naye ayongedde edoboozi mukulwanyisa ebikolwa ebyobufumbo bw’ebikukujju nga wano wasabidde abakulisitu bonna okwongera okusabira egwanga Uganda awamu n’ensi yona okutwaliza awamu ebikolwa bino okubeera lufumo.
Betty Naluyima omubaka omukyala akiikirira Wakiso mu palamenti yataddeyo ekitambiro kya mmisa okwebaza Katonda ku lw’okuyimbulwa kw’ababaka banne Muhammad Ssegirinya owa Kawempe ne Allan Ssewanyana owa Makindye West okuva mu kkomera.
Ono era yasabye bannaUganda okwongera okusabira bannabwe abaakwatibwa ku nsonga z’ebyobufuzi okuyimbulwa.
Rev. Bonny Komuhangi yasabye abakkiriza okwongera essaala abaminsani basobole okulangirirwa mulubu lw’abesiimi awamu n’abatukirivu nti kubanga kati bali kudaala lyokubeera abaddu b’omukama.
Kinajjukirwa nti abaminsani baatuuka mu Uganda nga 17, ogw’okubiri mumwaka gwa 1879 era batuuukira kumwaalo gwe Kigungu mu Ntebbe nga bagolomola okuva mu gwanga lya Tanzania.
About The Author
