Abantu eb’enjawulo b’eyiya mumaka g’eyaliko omulabirizi owa Namirembe diocese Bishop Samuel Balagadde Ssekkadde agasangibwa eBugonga mu Ntebbe nga ono yafudde ekiro eky’akeseeza olunaku olw’okubiri ku sawa nga biri ez’ekiro mudwaliro lye Kisubi.
Kigambibwa nti ombalabirizi Ssekadde yatwalidwa e Kisubi mudwaaliro oluvanyuma lw’okufunamu okulumizibwa wabula eby’embi nga yakatusibwa mudwaaliro abasawo bategeezeza abajanjabi nti yabadde yafudde dda.
Abamu ku boluganda lw’omugenzi okuli Mukulu we Henry Nkuubi Kalyesubula betwogedeko nabo batutegezeeza nti balumiddwa nnyo okufirwaako omulabirizi Ssekadde kubanga abadde wamugaso nnyo eri enyumba y’abwe ate mungeri y’emu nga y’emusika wa kitaabwe.
Ono mubigambo bye agambye nti Sekadde abadde kamala byona mubuli kintu, nga alina omukwano ogwanamadala, abadde ayagala ediini ye awamu n’obwakabaka era bwo nga aboluganda bagenda kumusaalirwa nyo.
Pheibe Nalunkuuma Ssentamu muto w’omugenzi agambye nti tayinza kumwerabira kubanga nga ojeeko kyokubera nti baluganda, abadde abalaga omukwano ate nga abalabrira bulungi okuva webafiirwa kitaabwe.
Rev. Zimula Mpalanyi omusumba omubeezi ow’eNtebbe agambye nti b’afunye ekyekango oluvanyuma lw’okufuna amawulire gw’okufa kwa Bishop Sekadde, omuntu abadde ow’omugaso era eky’okulabirako eri ekanisa awamu n’egwanga lyona okutwaliza awamu.
Mungeri y’emu ay’ongeddeko nti babadde b’ogerezeganya butereevu era nga batera n’okusisinkana nga mulamu bulunji wabula kyanaku nti mukama omujje munsi wano era n’amusaba amulamuze kisa.
Ayaliko omubaka we Ntebbe Rose Tumusiime ategezeeza nti ekibuga kye Ntebbe kifunye ekyekango eky’amanyi kubanga Bishop Ssekadde abadde muntu w’ansonga nnyo atazikawo era mubuufu bw’ebumu n’asaasira abantu bonna abamumanyi okuli ab’oluganda, obulabirizi bw’eNamirembe, banna-Ntebbe awamu n’egwanga lyona okutwaliza awamu.
Kitegerekese nti omugenzi wakuziikibwa kulunaku olw’okutaano nga 18.10.2024 wabula wakusabirwa mu makanisa ag’enjawulo okuli n’ekanisa y’eBugonga.
About The Author
